Azvision.az xəbər verir ki, bu barədə Hindistanın Xarici İşlər Nazirliyi bəyanat yayıb.
“Hindistan və Pakistan aralarında imzalanmış “Nüvə obyektlərinə hücumun qadağan edilməsi haqqında” müqaviləyə uyğun olaraq, bu gün Nyu-Deli və İslamabaddakı diplomatik kanallar vasitəsilə eyni vaxtda nüvə obyektləri və qurğularının siyahısının qarşılıqlı mübadiləsini həyata keçiriblər” – bəyanatda bildirilib.
Bu, tərəflər arasında nüvə obyektləri ilə bağlı məlumatların sayca 28-ci mübadiləsidir. İlk qarşılıqlı siyahı mübadiləsi 1992-ci ilin 1 yanvarında gerçəkləşib.
Hindistan və Pakistan arasında 1988-ci ilin 31 dekabrında imzalanan və 1991-ci ilin 27 yanvarında qüvvəyə minən “Nüvə obyektlərinə hücumun qadağan edilməsi haqqında” müqaviləyə uyğun olaraq, bir-birinə qarşı qəfil hücumlar zamanı nüvə faciəsinə səbəb olmamaq üçün, tərəflər hər il ərazilərindəki nüvə obyektlərinin yerləşdiyi məkanlar barədə bir-birinə məlumat vermək barədə öhdəlik götürüblər.
Leyla Elbrusqızı
Azvision.az
İki nüvə ölkəsi arasında informasiya mübadiləsi
01 Yanvar 2019
Oxunub:3772
1988-ci il müqaviləsinə uyğun olaraq, bu gün Hindistan və Pakistan öz ərazilərində yerləşdirilən nüvə obyektləri siyahısının qarşılıqlı mübadiləsini həyata keçiriblər.
Teqlər: Pakistan Hindistan Nüvə
Vaxtında, Aydın, Lazımlı!
-1708596417.jpg&h=200&w=200&zc=2&q=70)
