Türkiyədə 100 əsgərin həbsinə qərar verildi - FETÖ işi

 Türkiyədə 100 əsgərin həbsinə qərar verildi -  FETÖ işi
  07 Yanvar 2019    Oxunub:2524
Ankara Cümhuriyyət Baş Prokurorluğunun FETÖ və “Paralel Dövlət Quruluşu” ilə bağlı apardığı istintaq-dindirmə prosesi çərçivəsində taksafonlar vasitəsilə terrorçularla mütəmadi və ardıcıl şəkildə əlaqə saxladıqları üzə çıxan, hazırda Türkiyə ordusunda xidmət keçən 100 əsgərin həbs edilməsi barədə qərar çıxarılıb.
Azvision.az "Anadolu" agentliyinə istinadən xəbər verir ki, qərara müvafiq olaraq Türkiyə quru qoşunlarında xidmət keçən həmin 100 şübhəlinin həbsi məqsədilə bu gün səhər saatlarından etibarən Ankara Polis İdarəsinin terrorla mübarizə şöbəsinin əməkdaşları əsgərlərin yaşadığı ünvanlarda əməliyyatlara başlayıb.

Hazırda polisin həyata keçirdiyi axtarış əməliyyatları çərçivəsində həbs işlərinin davam etdiyi bildirilir.

Leyla Elbrusqızı
Azvision.az



Teqlər: FETÖ   Türkiyə  





Xəbər lenti