Erməni hərbçi yol qəzasında öldü

  Erməni hərbçi yol qəzasında öldü
  18 Yanvar 2019    Oxunub:3091
Ermənistan silahlı qüvvələri tərəfindən işğal edilmiş yaşayış məntəqələrimizdə yerləşdirilən düşmən ordusunun bölmələrində avtoqəzalar nəticəsində ölən və yaralananların sayı artmaqdadır.
Azvision.az erməni KİV-lərinə istinadla xəbər verir ki, Madagiz yaşayış məntəqəsində yerləşdirilən artilleriya divizionunda xidmət edən iki zabitin olduğu avtomobil qəzaya uğrayıb. Hərbi polisin polkovnik Yengibaryana məruzəsində deyilir ki, zabit idarə etdiyi avtomobillə sürət həddini aşdığından nəqliyyat vasitəsi idarəetməni itirib və yaşayış məntəqəsinin girəcəyində yol kənarındakı elektrik dirəyinə çırpılıb.

Hadisə nəticəsində hər iki zabit ağır bədən xəsarətləri alıb. Onlardan biri yolda ölüb, digəri isə ağır vəziyyətdə xəstəxanaya yerləşdirilib. Faktla bağlı cinayət işi açılıb və hərbi polis tərəfindən araşdırma aparılır.

Azvision.az




Teqlər: Ermənistan   Hərbçi  





Xəbər lenti