Maduroya qarşı kütləvi etirazlar - Polis idarəsi yandırıldı

  23 Yanvar 2019    Oxunub : 1464
Maduroya qarşı kütləvi etirazlar - Polis idarəsi yandırıldı
Venesuelada prezident Nikolas Maduroya qarşı davam edən etiraz aksiyalarının iştirakçıları Karabobo ştatının Puerto-Kabelyo şəhərindəki polis məntəqəsini yandırıblar.

Azvision.az xəbər verir ki, bu barədə “Nacional” portalı məlumat yayıb. Bildirilib ki, ötən gecə baş verən yanğınla yanaşı polis məntəqəsinin yerləşdiyi rayonda çoxsaylı atışma səsləri eşidilib.
Qeyd edək ki, ötən axşamdan başlayaraq Venesuelanın müxtəlif şəhərlərində prezident Maduroya qarşı növbəti kütləvi aksiyalara start verilib. Bu gün isə həm parlamentin sədri Xuan Quaydonun rəhbərliyi ilə prezidentin əleyhdarları, həm də tərəfdarlarının irimiqyaslı yürüşləri keçiriləcək. Yerli KİV-in məlumatına əsasən, artıq indiki etirazlarda 2 nəfər ölüb, daha ikisi yaralanıb. 30 nümayişçi isə həbs olunub.

Leyla Elbrusqızı
Azvision.az




Teqlər: Venesuela