AzVision.az xəbər verir ki, buna səbəb Gülər Əhmədovanın məhkəmə prosesində ürəyinin getməsi olub. Belə ki, məhkəməyə gətirilən eks-deputatın səhhəti pisləşərək həkim nəzarətinə götürülüb. Hakim məhkəmə prosesini noyabrın 25-nə müəyyən edib.

Eks-deputatın həyat yoldaşı Fikrət Əhmədov açıqlamasında deyib ki, Gülər Əhmədovanın səhhətinin pisləşməsinin səbəbi gecələr yatmaması və təzyiqinin aşağı düşməsi ilə bağlıdır.

Xatırladaq ki, fəaliyyəti dayandırılmış Azərbaycan Beynəlxalq Universitetinin sabiq rektoru Elşad Abdullayevin ötən ilin sentyabrında yaydığı qalmaqallı videodan sonra Gülər Əhmədova mandatından imtina edib. Fevralın 13-də isə G. Əhmədova barəsində həbs-qətimkan tədbiri seçilib. Bundan sonra həmin müddət iki dəfə artırılıb.

G. Əhmədova Cinayət Məcəlləsinin 178.3.2-ci (etibardan sui-istifadə etməklə özgənin külli miqdarda əmlakını ələ keçirmə) və 307.1-ci (ağır və ya xüsusilə ağır cinayətin hazırlanmasını və ya törədilməsini bilərək həmin cinayət barədə xəbər verməmə ) maddələri ilə təqsirləndirilir.

Fatimə