Azərbaycan “Böyük Dəbilqə”də 7 medal qazanıb

  12 May 2019    Oxunub : 739
Azərbaycan “Böyük Dəbilqə”də 7 medal qazanıb
Bakıda keçirilən cüdo üzrə “Böyük Dəbilqə” turniri başa çatıb.
Azvision.az xəbər verir ki, Azərbaycan yığması son yarış günündə bir gümüş və iki bürünc medal qazanıb.

Millimizin legionerlərindən İrina Kindzerskaya (+78 kq) və Zelim Kostoyev (-100 kq) üçüncü yer uğrunda görüşdə qalib gəlib və bürünc medala sahib olublar.

90 kq-da mübarizə aparan Məmmədəli Mehdiyev isə finalda serbiyalı rəqibinə uduzub. İdmançımız yarışı gümüş medalla başa vurub.

Bununla da, mayın 10-da start götürmüş "Böyük Dəbilqə" turnirində Azərbaycan yığmasının qazandığı medalların sayı 7-yə çatıb. Komandamız bir qızıl, iki gümüş və dörd bürünc medala sahib olub.

Azvision.az



Teqlər: Cüdo