Qadın cüdoçularımız Rumıniyada 4 medal qazanıb

  02 İyun 2019    Oxunub : 744
Qadın cüdoçularımız Rumıniyada 4 medal qazanıb
Rumıniyanın Kluj şəhərində cüdo üzrə Avropa açıq kubokunda Azərbaycanın qadın cüdoçularından ibarət komandası uğurla çıxış edərək 1 qızıl, 3 bürünc medal qazanıb.
Azvision.az xəbər verir ki, qızıl medalı komandamızın aktivinə 52 kiloqram çəki dərəcəsində mübarizə aparan Gültac Məmmədəliyeva yazdırıb. İdmançı Fransa, İspaniya, Kuba və Macarıstandan olan rəqiblərinə qalib gələrək fəxri kürsünün ən yüksək pilləsində qərarlaşıb. Leyla Əliyeva, Ayşə Qurbanova (hər ikisi 48 kq) və İçinkorloo Munxtsedev (57 kq) Avropa kubokunun bürünc medalını qazanıb.

Qeyd edək ki, 29 ölkədən 350 cüdoçunun mübarizə apardığı Kluj turniri iyunun 1-2-də keçirilib.

Azvision.az

Teqlər: Cüdo   Rumıniya