“Bizi çətin qarşılaşmalar gözləyir” - Qurban Qurbanov

“Bizi çətin qarşılaşmalar gözləyir” -    Qurban Qurbanov
  19 İyun 2019    Oxunub:2106
"Qarabağ" klubunun baş məşqçisi Qurban Qurbanov Çempionlar Liqasının 1-ci təsnifat mərhələsinin püşkatmasının nəticəsini dəyərləndirib.
Azvision.az klubun rəsmi saytına istinadən xəbər verir ki, təcrübəli mütəxəssis bu mərhələdə qarşılaşacaqları Albaniya çempionu "Partizani"nin ciddi rəqib olduğunu deyib:

"Hər zamankı kimi, ciddi rəqiblə qarşılaşacağıq. Albaniya klubları çox intizamlı oyun göstərirlər. Bizi çətin qarşılaşmalar gözləyir. Bildiyim qədər, komandanı yeni baş məşqçi çalışdıracaq. Bizim üçün tanış olmayan rəqibdir, keçən mövsümki komandayla bu ilki arasında fərq çox olacaq, həm məşqçi dəyişikliyi, həm də ola bilər ki, yeni transferlər. Həddindən artıq ciddi və diqqətli olmalıyıq".

Qeyd edək ki, ÇL-də 1-ci təsnifat mərhələsinin ilk oyunları 9-10, cavab oyunları isə 16-17 iyul tarixlərində keçiriləcək. "Qarabağ" ilk matçı səfərdə keçirəcək.

Azvision.az



Teqlər: QurbanQurbanov  





Xəbər lenti