Qurban Qurbanovun məğlubiyyət şərhi

Qurban Qurbanovun məğlubiyyət şərhi
  22 İyun 2019    Oxunub:1215
“Normal oyun keçdi. Baxmayaraq ki, Avstriyada ilk oyunumuz idi, istərdik ki, ilk rəqibimiz bir az asan olsun, bugünkü rəqibimiz yetəri qədər güclü idi”.
Azvision.az xəbər verir ki, bunu "Qarabağ" klubunun baş məşqçisi Qurban Qurbanov Avstriyada təlim-məşq toplanışı çərçivəsində “Ludoqorets”ə (Bolqarsıtan) 0:2 hesabı ilə uduzduqları yoxlama matçından sonra klubun saytına deyib.

47 yaşlı mütəxəssis bu oyunun onlar üçün çox faydası olduğunu düşündüyünü söyləyib: “Bəzi futbolçular 45, bəziləri 60 dəqiqə oynadı. Abbas Hüseynov və Rahil Məmmədov 90 dəqiqə meydanda oldular. Komandamdan razı qaldım. Toplanışın ilk mikrotsiklini belə oyunla başa vurmaq bizim üçün faydalı oldu”.

Azvision.az



Teqlər: QurbanQurbanov   Qarabağ  





Xəbər lenti