Müsavat Partiyası Gənclər Təşkilatlarında keçirilən seçkidən sonra gənclər arasında yaranan qalmaqal səngimək bilmir. Seçkidə uduzan Rüfət Hacıbəyli hələ də məğlubiyyətlə barışa bilmir.
O AzVision.az-a açıqlamasında mübarizəni davam etdirdiyini, şikayətlərini əsaslandıran faktlar topladığını deyib.
“Mən İsa bəyin müşaviri olduğuma görə onunla hərdən görüşürüəm, amma son vəziyyətlə bağlı görüşümüz olmayıb. Görüşəcəm. Divana bizim tərəfimizdən müəyyən müraciətlər olub, onlar araşdırılır. Ondan sonra Divan, partiyanın Məclisi nə qərar verəcəksə, biz də ona tabe olacağıq”.
Yenidən seçkinin ola biləcəyinə gəlincə isə R.Hacıbəyli vurğulayıb ki, faktlar toplanır. “Bu barədə bizim araşdırmalarımız gedir, faktlar toplayırıq. Ona görə bu məlumatlar əsasında sonda bir qərara gələcəyik”.
Qeyd edək ki, sonuncu seçkidə Əhliman Abbas Müsavat Gənclər Təşkilatına sədr seçilib. Onun sədrliyi ətrafında namizədlər arasında yaranan qalmaqal davam edir.
Fatimə Kərimli
Müsavatda gənclər arasında yeni QALMAQAL
29 Noyabr 2013
Oxunub:1290
Vaxtında, Aydın, Lazımlı!
-1737361077.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
