Çin lideri Trampı kompromisə çağırdı

  02 İyul 2019    Oxunub : 941
Çin lideri Trampı kompromisə çağırdı
Çin lideri Si Szinpin ABŞ prezidenti Donald Trampı Şimali Koreyaya qarşı münasibətdə “yumşaqlıq” göstərməyə çağırıb.
Azvision.az xəbər verir ki, bu barədə Çinin Xarici İşlər naziri Van Yi məlumat verib.

“Si Szinpin ABŞ-ı Şimali Koreya ilə münasibətlərdə kompromisə getməyə çağırıb. O cümlədən, sanksiyaların müvəqqəti yumşaldılmasını və narazılıqların qarşılıqlı həllininin tapılmasını istəyib”, - deyə XİN rəhbəri bildirib.

Qeyd edək ki, ABŞ prezidenti Donald Tramp və Koreya Xalq Demokratik Respublikasının lideri Kim Çen In arasında iyunun 30-da görüş keçirilib. İki ölkə lideri ilk dəfə Koreya yarımadasını iki hissəyə bölən hərbi-demarkasiya xətti üzərindən bir-birinin əlini sıxıblar. Görüş Cənubi Koreya və KXDR arasında hərbsizləşdirilmiş zonada yerləşən Pxanmuncom danıqışlar məntəqəsində baş tutub.

Şahanə Rəhimli
Azvision.az

Teqlər: Çin   Tramp