Gimnastlarımız Universiadanı 3 medalla başa vurdu

  13 İyul 2019    Oxunub : 691
Gimnastlarımız Universiadanı 3 medalla başa vurdu
İyunun 13-də Neapol şəhərində (İtaliya) keçirilən 30-cu Yay Universiadasında bədii gimnastika üzrə final yarışları baş tutub.
Azərbaycan Gimnastika Federasiyasından Azvision.az -a verilən məlumata görə, ötən gün çoxnövçülük üzrə gümüş medal qazanan gimnastımız Zöhrə Ağamirova, bu gün də uğurlu çıxışı ilə medala qazanmağa müvəffəq olub. Belə ki, Zöhrənin gürzlərlə icrasının 20.200 xalla dəyərləndirilməsi ona daha bir gümüş medal qazandırıb.

Bununla da, Azərbaycan gimnastika komandası Universiadanı qadın idman gimnastımız Marina Nekrasovanın 1 qızıl və bədii gimnastımız Zöhrə Ağamirovanın 2 gümüş medalı ilə başa vurub.

Azvision.az

Teqlər: Gimnast   Medal