Müsavatın mühacir biznesi - Arif Hacılı etiraf etdi

Müsavatın mühacir biznesi - Arif Hacılı etiraf etdi
  03 Avqust 2019    Oxunub:7114
Müsavat başqanı Arif Hacılı partiyanın mühacir biznesi ilə məşğul olması barədə yayılan məlumatlara münasibət bildirib.

Azvision.az -ın verdiyi xəbərə görə, A.Hacılı 5 il ərzində 197 nəfərə mühacirət üçün arayış verdiyini etiraf edib. Divan üzvlərinin, konkret olaraq sabiq başqan müavini Yadigar Sadıqlının mühacir biznesi ilə bağlı ittihamlarına gəlincə, Hacılı özünü haqlı çıxarmağa çalışıb.
“Yadigar Sadıqlının bununla bağlı müraciətindən xəbərim yoxdur. 197 nəfərə arayış 5 il ərzində verilib. Müvafiq strukturlara müraciət edib, bu sənədləri əldə etmək mümkündür. Bu məsələlər Müsavat partiyasının daxilində, daxili idarəçilik qaydaları ilə tənzimlənir. Mənə elə gəlir ki, mətbuatda bu tip məsələlərin müzakirəsinə zərurət yoxdur”.

Qeyd edək ki, sabiq başqan müavini, Divan üzvü Yadigar Sadıqlı Müsavatı şəffaf siyasi təşkilat olmamaqda ittiham edib. Bildirib ki, Hacılının başqanlığı dövründə 197 nəfərə xaricə mühacirətə getmək üçün arayış verilsə də, bu barədə Divan üzvlərinə heç bir məlumat verilməyib. Y.Sadıqlı arayış verilən şəxsləri tanımadıqlarını söyləyib.



“Dəfələrlə təkif etmişik ki, bu arayışların verilməsini dayandıraq. Partiyanı bu məsələlərdən uzaq tutaq. Hətta Müsavat partiyasının müəyyən müddətə arayış verilməsinə moratorium elan etməsini təklif etmişik. Buna əks arqumet irəli sürürlər ki, partiya üzvünün arayış alma hüququ var. Bildirdik ki, heç bir üzvün hüququ partiyanın imicindən artıq deyil. Buna baxmayaraq, təklifimiz qəbul olunmadı. Biz isə çox da üzərinə gedə bilmirik. Çünki bizlərə şər ata bilərlər ki, hökumət də, siz də bu siyahını öyrənmək istəyirsiniz. Məqsədiniz nədir? Yəni bizi hökumətlə iş birliyində ittiham edə bilərlər”.

Elvin Abdulqədirov
Azvision.az


Teqlər: Müsavat   Arif-Hacılı   Yadigar-Sadıqov   Mühacir   Arayış  





Xəbər lenti


Azvision.az ©2014 | Bütün hüquqları qorunur