Həbib, yoxsa Porye? - Dünya bu döyüşü gözləyir

  07 Sentyabr 2019    Oxunub : 6586
 Həbib, yoxsa Porye? - Dünya bu döyüşü gözləyir
Yüngül çəkidə Mütləq Döyüş Çempionatının (UFC) qalibi olmuş dağıstanlı idmançı Həbib Nurməhəmmədov amerikalı Dastin Porye ilə rinqə çıxacaq.
Azvision.az xəbər verir ki, milyonlarla insanın səbirsizliklə gözlədiyi döyüş bu gün Birləşmiş Ərəb Əmirliklərinin paytaxtı Əbu-Dabi şəhərində keçirəcək.

Qeyd edək ki, dağıstanlı döyüş ustası 2018-ci ilin aprel ayında amerikalı El Yakvinta ilə mübarizədə çempionluq kəmərini qazanıb və oktyabrda irlandiyalı Konor Makqreqorla uğurlu döyüş keçirərək bu adı qoruyub. Ümumilikdə isə 30 yaşlı Nurməhəmmədov 27 qələbə qazanıb və bir dəfə də olsun məğlubiyyətə uğramayıb.

Porye isə bu il aprelin 14-də öz həmvətəni Maks Hollouey ilə döyüşdə hakimlərin yekdil qərarına əsasən qalib gəlib və təşkilatın müvəqqəti çempionu titulunu qazanıb. 30 yaşlı Poryenin aktivində 25 qələbə və 5 məğlubiyyət var, daha bir döyüş isə baş tutmamış hesab edilib.

Azvision.az

Teqlər: Həbib   Porye   Döyüş   UFC