Telekanala lisenziya verilməsi təxirə salındı

Telekanala lisenziya verilməsi təxirə salındı
  11 Dekabr 2013    Oxunub:998
Bu gün Milli Televiziya və Radio Şurasının növbəti iclası keçirilib.
MTRŞ-ın mətbuat xidmətindən AzVision.az-a verilən məlumata görə, iclasda regional televiziya yayımçısı olan Aygün Müstəqil Televiziya və Radio Kompaniyasının (Zaqatala şəhəri) televiziya yayımı üçün xüsusi razılıq (lisenziya) müddətinin uzadılması barədə müraciətinə baxılıb.

“Televiziya və radio yayımı haqqında” Azərbaycan Respublikası Qanununun 22.3-cü maddəsində nəzərdə tutulmuş müddətdə xüsusi razılıq (lisenziya) müddətinin uzadılması üçün müraciət edilməməsinə və zəruri olan sənədlərin vaxtında və tam təqdim olunmamasına görə televiziyanın fəaliyyətinin araşdırılması məqsədilə Aygün Müstəqil Televiziya və Radio Kompaniyasının xüsusi razılıq (lisenziya) müddətinin uzadılması barədə müraciətinə baxılması təxirə salınıb.


Teqlər:





Xəbər lenti