Milli Məclisin Elm və Təhsil Komitəsinin üzvü, millət vəkili Musa Qasımlı təhsil naziri Mikayıl Cabbarovun əmri ilə məktəblərdə "Fondpulu"nu ləğvinə münasibət bildirib.
M.Qasımlı AzVision.az-a açıqlamasında yeni nazirin bu addımını müsbət qiymətləndirdiyini deyib:
“Təhsil Nazirimizin bu addımını təqdir edirəm. Bununla belə hesab edirəm ki, məktəblərin saxlanılması üçün digər fondların da olmasına ehtiyac var. Məsələn, qardaş Türkiyədə hər il dərs ilinin başlanğıcında dövlət məktəblərində təhsil alanların valideynləri məktəb fonduna müəyyən məbləğdə vəsait köçürürlər. Xarici ölkələrin əksəriyyətində, o cümlədən qabaqcıl ölkələrdə də bəzi şəxslər, imkanlı adamlar məktəblərə yardım edirlər. Fikrimcə, biz məktəb-ailə, məktəb- valideyn əlaqələrinin gücləndirilməsi üçün çalışmalıyıq. Hər halda, cənab nazirin atdığı addımı müsbət qiymətləndirirəm”.
Qeyd edək ki, təhsil naziri Mikayıl Cabbarovun əmri ilə Bakı Şəhəri üzrə Təhsil İdarəsinin tabeliyində olan ümumi təhsil məktəblərinin direktorlarına təsərrüfat məqsədləri üçün 2013–cü ilin dekabr ayından etibarən avans şəklində müvafiq aylıq vəsaitlərin ödənilməsinə başlanılıb.
Nihadə Eyyubova
Deputat nazirin “Fondpulu” qərarını alqışladı
13 Dekabr 2013
Oxunub:1402
Vaxtında, Aydın, Lazımlı!
-1732283863.jpg&h=190&w=280&zc=1&q=100)
-1732283689.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
