Azərbaycanın axtarışa verdiyi qumarbaz ABŞ prezidenti olmaq istəyir

  14 Noyabr 2019    Oxunub : 4450
Azərbaycanın axtarışa verdiyi qumarbaz ABŞ prezidenti olmaq istəyir
Erməni əsilli amerikalı qumarbaz Dan Bilzeryan 2024-cü ildə ABŞ-da prezidentliyə namizəd olmaq niyyətindədir.

Azvision.az xəbər verir ki, o, bunu TMZ portalına müsahibəsində deyib. Məşhur qumarbaz bildirib ki, seçkidə özünə rəqib kimi porno ulduz Kim Kardaşyanın həyat yoldaşı, reper Kanye Uesti görür.
Bilzeryan hazırkı prezident Donald Trampın məhz Kardaşyanın ərini dəstəkləyəcəyini istisna etməyib: "Ancaq hər halda, Kanye Hillari Klintondan yaxşıdır".

Daha əvvəl Uest 2024-cü ildə ABŞ prezidentliyinə namizədliyini irəli sürmək niyyətini açıqlayıb. O, əlavə edib ki, həyat yoldaşı Kim birinci xanım statusunun öhdəsindən gələcək, çünki indi ictimai fəaliyyətlə məşğuldur, üstəlik hüquq təhsili alır.

Qeyd edək ki, işğal altında olan Dağlıq Qarabağa qanunsuz səfər edən Dan Bilzeryana Azərbaycanda cinayət işi açılıb, barəsində beynəlxalq axtarış elan edilib.

Pərvanə Sultanova
Azvision.az

Teqlər: ABŞ   Seçki   Prezident