Türkiyə terrorçuların dağıtdığı məktəbləri bərpa edir

Türkiyə terrorçuların dağıtdığı məktəbləri bərpa edir
  20 Noyabr 2019    Oxunub:1819
"Sülh Çeşməsi” əməliyyatının keçirildiyi bölgədə həyat şəraitinin normallaşdırılması çərçivəsində PKK/YPG-nin dağıtdığı məktəblərin müəyyənləşdirilərək təmir və bərpa işləri başlayıb.
Azvision.az -ın məlumatına görə, 2019-cu ilin noyabr ayının 17-də Rəsulaynda keçirilən baxış zamanı texniki peşə məktəbi, oğlan peşə məktəbi, qız peşə məktəbi və texniki təmayüllü liseyin olduğu şəhərciyin PKK/YPG terrorçuları tərəfindən təhsilə bağlandığı, məktəblərin terror təşkilatı üçün "Katyuşa” tipli raketləri ata bilən raketatıcı qurğuların istehsal mərkəzinə çevrildiyi və siniflərin yararsız hala salındığı məlum olub.

Terrorçuların şəbəkə kimi bütün şəhəri əhatə edən yeraltı tunelləri qazmaq üçün istifadə etdiyi maşın və avadanlıqlarla birlikdə çox sayda silah-sursat ələ keçirilərək məktəblərin qapılarının yenidən təhsilə açılması üçün dövlətin digər müəssisə və təşkilatları ilə birgə ehtiyacların müəyyən edilməsi, təmir və abadlıq işlərinə başlanılıb.

Azvision.az



Teqlər: Türkiyə  





Xəbər lenti