PKK parçalanır, terrorçular təslim olurlar

PKK parçalanır, terrorçular təslim olurlar
  26 Noyabr 2019    Oxunub:2385
“Sülh Çeşməsi” əməliyyatından sonra YPG/PKK terror təşkilatının sıralarını tərk edənlərin sayı günü-gündən artır.
Azvision.az xəbər verir ki, ötən gün Suriyanın Ayn əl-Ərəb bölgəsindən Şanlıurfaya gələn iki PKK/YPG terrorçusu silah və rabitə vasitəsi ilə Türkiyə təhlükəsizlik qüvvələrinə təslim olub.

Türkiyə Daxili İşlər Nazirliyinin yaydığı bəyanatda bildirilib ki, ölkə daxilində və xaricində terrora qarşı həyata keçirilən hərbi əməliyyatlar nəticəsində PKK/PYD terror təşkilatında parçalanma sürətlənir, təşkilatdan qaçanların və təslim olanların sayı artır:

“2019-cu ilin noyabr ayının 25-də Suriyanın Ayn əl-Ərəb bölgəsindən iki terrorçu M-16 silahları və rabitə vasitələri ilə Suriyadan qaçaraq Şanlı Urfadakı sərhəd məntəqəsində təhlükəsizlik qüvvələrinə təslim olub".

Qeyd edək ki, YPG/PKK-nın öz sıralarında Türkiyə Silahlı Qüvvələrinə qarşı döyüşməkdən imtina edən onlarla insanı qətlə yetirdiyi bildirilir.

Kənan Məmmədov
Azvision.az


Teqlər: PKK   YPG   Terror  





Xəbər lenti