Səlim Müslümovdan yenilik

  17 Dekabr 2013    Oxunub : 442
Səlim Müslümovdan yenilik
Əlil vətəndaşlar üçün səyyar tibbi-texniki briqada yaradılıb.
Əmək və Əhalinin Sosial Müdafiəsi Nazirliyindən AzVision.az-a daxil olan məlumata görə, nazirlik tərəfindən respublikanın regionlarında yaşayan əlil vətəndaşlara yaşadıqları bölgələrdə protez-ortopedik bərpa xidməti göstərilməsi üçün 2 səyyar tibbi-texniki briqada yaradılıb.

Nazirliyin Bakı Protez-Ortopedik Bərpa Mərkəzinin mütəxəssislərindən ibarət briqadalar ilkin mərhələdə Sabirabad, Saatlı, İmişli, BeyləqanFüzuli rayonlarında yaşayan, dayaq-hərəkət sistemi pozulan və protez-ortopediya məmulatlarına ehtiyacı olan ümumilikdə 100 nəfərdən çox əlil vətəndaşa və sağlamlıq imkanları məhdud uşağa səyyar formada xidmət göstərəcək.

Briqadalardan biri dekabrın 20-də Saatlı rayon mərkəzi xəstəxanasında, digəri isə dekabrın 21-də Beyləqan rayon mərkəzi xəstəxanasında olacaq. Növbəti mərhələlərdə ölkənin digər regionlarında əlil şəxslərə səyyar xidmət davam etdiriləcək.

Tədbir bölgələrin əlil sakinlərinin protez-ortopediya məmulatları ilə təmin olunmaq üçün zəhmət və xərc sərf edərək, uzaq yol qət etməklə paytaxt Bakıya gəlmək çətinliklərinin aradan qaldırılmasına və onların ehtiyac duyduqları məmulatlarla təminatı işinin yerində və operativ şəkildə həyata keçirilməsinə xidmət edir.

Fatimə Kərimli

Teqlər: