Kaşıkçı cinayətinə görə 5 nəfər edam olunacaq
![Kaşıkçı cinayətinə görə 5 nəfər edam olunacaq Kaşıkçı cinayətinə görə 5 nəfər edam olunacaq](https://azvision.az/photos/2019/12/22259-1577095002.jpg)
Azvision.az xarici mətbuata istinadən xəbər verir ki, jurnalistin ölümünə görə 5 nəfər edam cəzası alıb. Daha 3 nəfər isə 24 il müddətinə həbs cəzasına məhkum edilib.
Nəhayət, 18 gündən sonra Səudiyyə Ərəbistanının baş prokuroru Saud əl-Muacib jurnalistin İstanbuldakı konsulluqda yaranmış münaqişə nəticəsində öldüyünü təsdiqləyib.
Rəsmi məlumata əsasən, Camal Kaşıkçı konsulluqda olarkən, onu Səudiyyəyə geri qaytarmağa çalışanlarla arasında münaqişə yaranıb və jurnalistə ölümcül maddənin olduğu iynə vurulub. Daha sonra bədəni hissələrə ayrılaraq konsulluğun binasından çıxarılıb. Lakin indiyədək jurnalistin cəsədinin qalıqlarının harada olduğunu müəyyənləşdirmək mümkün olmayıb. Səudiyyə rəhbərliyi qətldə şübhəli bilinən 21 nəfəri istintaqa cəlb edib.
Pərvanə Sultanova
Azvision.az