Təyyarə qəzasında ölən 6 nəfərin cəsədi tapılıb
Daha əvvəl isə göyərtəsində yeddi nəfərin olduğu təyyarənin Havayda yoxa çıxdığı bildirilib. Sərnişinlərdən 2-si uşaqdır. Təyyarə təyin olunmuş vaxtda Kauai adasında Na Pali sahilinə ekskursiyadan qayıtmayıb. Təyyarənin qalıqları Koke bölgəsində tapılıb.
"Təyyarədə yeddi nəfərin olduğunu təsdiqləyirik, amma biz altı cəsəd tapdıq. Sağ qalanın ola biləcəyinə dair heç bir dəlil yoxdur", - məlumatda bildirilib.
Qeyd edilib ki, xilasedicilər hava şəraiti imkan verən kimi, axtarışlarını davam etdirəcəklər.
Pərvanə Sultanova
Azvision.az