2020-ci ildə gözlənilən astronomik hadisələr
Azvision.az xarici KİV-ə istinadən bildirir ki, astrofiziklər və həvəskar müşahidəçilər üçün maraqlı olacaq 2020-ci ildə "Super Ay", meteor yağışları, günəş tutulması və planetlərin "öpüşməsi" kimi maraqlı hadisələrin olması gözlənilir.
Ayın normal görünüşündən daha böyük və parlaq görsənməsi “Super Ay” olaraq qeyd edilir. İlin ilk “Super Ay”ını 9 fevralda, digərlərini isə 9 mart, 8 aprel və 7 may tarixlərində görmək mümkün olacaq.
Meteor yağışları, iyulun ortalarından avqustun ortalarına qədər hər gecə izlənilə bilən səma hadisələrindən biridir. Ən məşhur meteor yağışı hər ilin avqustunda zirvəyə çıxan Perseid yağışıdır. Perseid meteoru, Swift-Tuttle adlı kometanın kiçik bir hissəsidir. Bu il meteor yağışının avqustun 12-nə keçən gecə müşahidə olunacağı gözlənilir.
2020-ci ilin 21 dekabrında ən uzun qış gecəsinin yaşandığı tarixdə Yupiter və Saturn kəsişəcək. Bu iki planetin günortadan sonra bir-birinə çox yaxınlaşması onların “öpüşməsi” kimi qələmə verilir.
Azvision.az
Teqlər: Astronomiya Günəş Yer Planet