İraq hərbçiləri İranın hücumundan zərər çəkməyib

  08 Yanvar 2020    Oxunub : 1042
İraq hərbçiləri İranın hücumundan zərər çəkməyib
İraqın hərbi qüvvələri İranın həyata keçirdiyi raket hücumlarından zərər çəkməyib.
Azvision.az xəbər verir ki, bu barədə İraq ordusunun mətbuat xidməti məlumat yayıb.

"İraq Silahlı Qüvvələri arasında itki qeydə alınmayıb", - deyə açıqlamada bildirilib.

Qeyd edilib ki, yanvarın 8-də yerli vaxtla saat 01:45-dən 02:15-dək İraq ərazisinə 22 raket atılıb. 17 raket “Ayn əl-Əsəd” hərbi bazasına düşüb, iki raket partlamayıb. Beş raket isə Ərbil bölgəsinə atılıb. Bütün raketlər koalisiya qüvvələrinin obyektlərinə düşüb.

İran KİV-ləri hadisə nəticəsində 80 nəfərin öldürüldüyü barədə məlumatlar yayıb. Rəsmi Vaşinqton isə hələlik bunu təsdiqləməyib.

Pərvanə Sultanova
Azvision.az

Teqlər: İraq   İran   Hücum