Ərdoğandan etiraz: “Trampın planı sülhə xidmət etmir”

  29 Yanvar 2020    Oxunub : 1960
 Ərdoğandan etiraz: “Trampın planı sülhə xidmət etmir”
Türkiyə Prezidenti Rəcəb Tayyib Ərdoğan ABŞ Prezidenti Donald Trampın İsrail-Fələstin probleminin nizamlanmasına dair təklif etdiyi plana etirazını bildirib.

Azvision.az -ın məlumatına görə, Ərdoğan jurnalistlərə açıqlamasında deyib ki, Qüdsün İsrailə verilməsi ilə bağlı plan qəbuledilməzdir.
"Qüds müsəlmanların müqəddəs torpağıdır. Qüdsün İsrailə verilmə planı əsla qəbul edilməyəcək. Bu, fələstinlilərin haqlarına məhəl qoymamaq və İsrailin işğalını qanuniləşdirmək planıdır. Təklif olunan plan sülhə xidmət etmir", - deyə Ərdoğan vurğulayıb.

Qeyd edək ki, ötən gün ABŞ Prezidenti Donald Tramp İsrail-Fələstin münaqişəsinin nizamlanması üzrə “Əsrin müqaviləsi” və ya “Yüz ilin planı” adlandırılan 80 səhifəlik planı təqdim edib. Plana əsasən, Qüds İsrailin ayrılmaz paytaxtı olaraq qalacaq. ABŞ, həmçinin Şərqi Qüdsdə fələstinlilər üçün öz səfirliyini açacaq.

Azvision.az

Teqlər: Türkiyə   Ərdoğan