Cenevrədə Qarabağ danışıqlarının növbəti raundu

  30 Yanvar 2020    Oxunub : 3013
Cenevrədə Qarabağ danışıqlarının növbəti raundu
Cenevrədə Azərbaycanın Xarici İşlər naziri Elmar Məmmədyarov ilə Ermənistanın XİN rəhbəri Zöhrab Mnatsakanyan arasında danışıqların növbəti raundu keçirilib.
Azvision.az xəbər verir ki, bu barədə Ermənistan XİN-in mətbuat xidmətinin rəhbəri Anna Naqdalyan “Twitter”də yazıb.

Onun sözlərinə görə, Dağlıq Qarabağ münaqişəsinin nizamlanmasına dair görüşdə ATƏT-in Minsk Qrupunun həmsədrləri İqor Popov (Rusiya), Stefan Viskonti (Fransa), Endryu Şefer (ABŞ) və ATƏT-in fəaliyyətdə olan sədrinin şəxsi nümayəndəsi Anjey Kasprşik də iştirak edib.

Qeyd edək ki, ötən gün Azərbaycan və Ermənistan XİN başçılarının Cenevrədə keçirilən görüşü 7 saat davam edib. Ümumilikdə tərəflər, eləcə də ATƏT-in Minsk Qrupunun həmsədrləri danışıqların intensivləşdirilməsi və danışıqlar gündəliyindəki bütün məsələlər üzrə konkret nəticələrin əldə olunması mövqeyindən çıxış ediblər.

Pərvanə Sultanova
Azvision.az

Teqlər: XİN   Cenevrə   Qarabağ