Paşinyanın deputatlarından parlament rəhbərliyinə etiraz

  07 Fevral 2020    Oxunub : 1505
Paşinyanın deputatlarından parlament rəhbərliyinə etiraz
"Mənim addımım" blokundan olan deputatların heç də hamısı Konstitusiya Məhkəməsinin hakimləri ilə bağlı layihəyə imza atmağa razılıq verməyiblər.
Azvision.az xəbər verir ki, bu barədə "Hraparak" qəzeti yazıb.

Nəşrin məlumatına görə, onlar biləndə ki, layihəyə yalnız 37 nəfər imza atıb və həmin şəxslərin arasında Nikol Paşinyanın qardaşı oğlu, qaynı, həmçinin bəzi vəkillər yoxdur, Milli Məclis rəhbərliyindən izahat tələb ediblər və layihənin "əleyhinə" səs verəcəklərini söyləyiblər. Bu isə iclasdan əvvəl layihənin geri çağırılmasına, imzaların əlavə edilməsinə səbəb olub. Nəticədə layihə 44 deputatın imzası ilə təqdim edilib.

Qeyd edək ki, Paşinyan Konstitusiya Məhkəsməsinin sədrini vəzifədən uzaqlaşdırmaq istəyir. Bunun üçün qanuni əsası olmadığından referenduma gedir.

Pərvanə Sultanova
Azvision.az

Teqlər: Ermənistan   Paşinyan   Parlament   Etiraz