Qadın güləşçilərimiz mübarizəyə başlayır

  12 Fevral 2020    Oxunub : 1320
Qadın güləşçilərimiz mübarizəyə başlayır
İtaliyanın paytaxtı Romada güləş üzrə Avropa çempionatı davam edir.
Azvision.az xəbər verir ki, yarışın üçüncü günündə qadın güləşçilər mübarizəyə qoşulacaq. Azərbaycan təmsilçilərindən Türkan Nəsirova (50 kq) 1/8 finalda Emiliya Alina (Moldova) ilə üz-üzə gələcək. Elmira Qəmbərova (59 kq) eyni mərhələdə Angelina Lysakla (Ukrayna) qarşılaşacaq.

68 kq çəki dərəcəsindəki İrina Netreba 1/8 finalda ukraynalı Alla Çerkasova ilə, Səbirə Əliyeva (76 kq) isə eyni mərhələdə yunanıstanlı Aikaterini Pitsiava ilə güləşəcək.

Qeyd edək ki, daha öncə Azərbaycanın yunan-Roma güləşçilərindən Sənan Süleymanov (77 kq) qızıl, Eldəniz Əzizli (55 kq) və İslam Abbasov (87 kq) bürünc medal qazanıb. 82 kq-dakı Rafiq Hüseynov isə finala yüksəlib. O, bu gün qızıl medal uğrunda qarşılaşmada Bolqarıstan təmsilçisi Daniel Tixomirov Aleksandrov ilə üz-üzə gələcək. Murad Bazarov (60 kq) və Ülvü Qənizadə (72 kq) təsəlliverici görüşlərə çıxacaq.

Azvision.az

Teqlər: Güləş   Qadın