Tramp koronavirusa görə görüşünü təxirə saldı

  29 Fevral 2020    Oxunub : 1634
 Tramp koronavirusa görə görüşünü təxirə saldı
Ağ Ev Avstriya kansleri Sebastian Kurtsla ABŞ Prezidenti Donald Tramp arasında planlaşdırılmış görüşü təxirə salıb.
Azvision.az xəbər verir ki, bu barədə Avstriya mətbuatı məlumat yayıb. Görüş koronavirusun yayılması ilə əlaqədar qeyri-müəyyən vaxta təxirə salınıb.

Avstriya kansleri martın 2-də ABŞ-a yola düşməli idi, amerikalı həmkarı ilə görüş isə 3 mart tarixinə təyin edilmişdi.

Xatırladaq ki, Avstriyada koronavirusa yoluxanların sayı 6-ya çatıb. Kurts virusun Avstriya və Avropada yayılma ehtimalı olduğunu açıqlayıb.

Pərvanə Sultanova
Azvision.az

Teqlər: ABŞ   Tramp   Koronavirus