Məhkəmə Paşinyanın qızının iddiasını qəbul etmədi

  17 Mart 2020    Oxunub : 1205
Məhkəmə Paşinyanın qızının iddiasını qəbul etmədi
İrəvan məhkəməsi Ermənistanın baş nazirinin qızı Şuşan Paşinyanın "Vətəndaş şüuru" ictimai təşkilatının sədri Narek Samsonyana qarşı qaldırdığı iddianı qəbul etməyib.
Azvision.az “news.am”a istinadən xəbər verir ki, məhkəmə iddia ərizəsinin Ermənistan Mülki Prosessual Məcəlləsinin 121 və 122-ci maddələrinin müddəalarına uyğun olmadığını müəyyən edib. Bu səbəbdən müraciətə baxılmaqdan imtina edilib.

Qeyd edək ki, ilk iddia fevralın 26-da, ikinci isə martın 13-də məhkəməyə təqdim olunub. Paşinyanın qızı məhkəmədən Samsonyanın “böhtan sayılan” məlumatları açıq şəkildə təkzim etməsini tələb edib.

Pərvanə Sultanova
Azvision.az

Teqlər: Paşinyan   Ermənistan