Sənəddə göstərilir ki, rus stansiyasının Amerika ərazisində yerləşdirilməsi üçün müdafiə naziri və Milli Kəşfiyyat Xidmətinin rəhbəri Konqressə təminat verməlidirlər ki, sistemdən ABŞ-a qarşı kəşfiyyat fəaliyyətində istifadə olunmayacaq.
Bundan başqa, beynəlxalq bazarda Amerika GPS sistemlərinin mövqelərinin zəiflədilməməsi də bura daxildir.

Qanun artıq prezident Barak Obama tərəfindən imzalanıb.

Buna qədər Amerika Müdafiə Nazirliyi və Mərkəzi Kəşfiyyat İdarəsi Dövlət Departamentinə müraciət edərək RosKosmosun ölkə ərazisində QLONASS sistemli stansiyalar tikməsi üçün lisenziya verilməsinə qarşı çıxmışdılar. Güc strukturları stansiyadan Rusiyanın öz idarəolunan raketlərinin dəqiqliyini artırmaq üçün istifadə edəcəyini bildirmişdi. Rusiya 2012-ci ilin mayındakı razılaşmaya görə ABŞ-da 8 belə sistem yerləşdirməli idi.

Ekspetlərin fikrincə, QLONASS sistemli stansiyalara Yaxın Şərq və Cənubi Amerika ölkələrində daha çox ehtiyac duyulacaq.