Putinin yaratdığı agentliyin redaktoru erməni oldu

Putinin yaratdığı  agentliyin redaktoru erməni oldu
  31 Dekabr 2013    Oxunub:973
Bu günlərdə Rusiya prezidenti Vladimir Putinin sərəncamı ilə “RİA Novosti”nin yerində yeni yaradılan “Rossia Today” agentliyinin baş redaktoru erməni olub.
Bu barədə “RİA Novosti” məlumat yayıb. Xəbərdə bildirilir ki, “Rossia Today” agentliyinin baş redaktoru RT (“Rossia Today”) telekanalının rəhbəri Marqarita Simonyan təyin edilib. Bu qərarı agentliyin baş direktoru Dmitri Kiselyov qəbul edib.

D.Kiselyov bildirib ki, bu vəzifəni ancaq “parlaq jurnalist imicinə və müasir menecerlik bacarıqlarına” malik şəxs tuta bilərdi.

Məlumatda o da bildirilir ki, M.Simonyan RT telekanalının baş redaktoru kimi də qalacaq.

Putinin sərəncamına əsasən “RİA Novosti”nin ləğv edilməsi və yerində yeni agentliyin yaradılması prosesi üç ay çəkəcək. Yeni agentlik Rusiyanın siyasətini və ictimai həyatını xaricdə işıqlandırmaq üçün yaradılır. “RİA Novosti”nin baş redaktoru Svetlana Mironyuk vəzifəsindən artıq azad edilib və onun yerini Simonyanın RT-dəki müavini İrakli Qaçeçiladze tuturdu.

33 yaşlı Marqarita Simonyan RT telekanalına onun yaradıldığı vaxtdan - 2005-ci ildən rəhbərlik edir. Telekanal xaricdə yayımlanmaq üçün yaradılıb. Simonyan telekanalın rəhbəri olana qədər Kremldə “prezidentskiy pul”da işləyib.(Virtualaz.org)


Teqlər:  





Xəbər lenti