Nazir qaliblərlə onlayn görüş keçirdi

  10 May 2020    Oxunub : 3076
Nazir qaliblərlə onlayn görüş keçirdi
Təhsil naziri Ceyhun Bayramov ulu öndər Heydər Əliyevin anadan olmasının 97-ci ildönümü münasibətilə ümumtəhsil məktəb şagirdləri arasında təşkil olunmuş “Ən yaxşı təqdimat” müsabiqəsinin qalibləri ilə onlayn görüş keçirib.
Nazirlikdən Azvision.az -a bildirilib ki, Ceyhun Bayramov təhsilin inkişafının hər zaman Ümummilli Liderin genişmiqyaslı fəaliyyətində prioritet sahə kimi mühüm yer tutduğunu bildirib və bu sahədə uğurlu inkişaf strategiyasının Prezident İlham Əliyev tərəfindən uğurla davam etdirildiyini qeyd edib.

Nazir “Ən yaxşı təqdimat” müsabiqəsinin müstəqil Azərbaycan dövlətinin qurucusu, dahi siyasətçi və qüdrətli dövlət xadimi Heydər Əliyevin zəngin irsinin, şərəfli həyat və fəaliyyətinin gənc nəsil tərəfindən davamlı olaraq öyrənilməsi baxımından əhəmiyyətini qeyd edib, qalibləri təbrik edərək onlara uğurlar arzulayıb.

Qeyd edək ki, müsabiqənin final mərhələsində respublikanın müxtəlif şəhər və rayonlarında yerli mərhələnin qalibləri olmuş 82 ümumtəhsil müəssisəsindən olan şagirdlərin videotəqdimatları münsiflər heyəti tərəfindən qiymətləndirilib.

“Ən yaxşı təqdimat” müsabiqəsinin nəticələrinə əsasən, 7 nəfər I, 14 nəfər II, 19 nəfər III dərəcəli diplomla, 25 nəfər isə tərifnamə ilə təltif olunub.

Azvision.az

Teqlər: Təhsil-Nazirliyi   Nazir   Onlayn   Görüş