Ərizə verən abituriyentlərin sayı açıqlandı

  02 İyun 2020    Oxunub : 2298
Ərizə verən abituriyentlərin sayı açıqlandı
Ali təhsilin bakalavr səviyyəsinə ərizə verən abituriyentlərin sayı açıqlanıb.
Dövlət İmtahan Mərkəzindən Azvision.az -a verilən məlumata görə, bu gün saat 12:00-a qədər ərizə verən abituriyentlərin sayı 78 912-dir. I-IV qrup üzrə 66308 abituriyent ərizə verib. Onlardan 60 572-si Azərbaycan, 5 736-sı rus bölməsindəndir.

I qrup üzrə indiyə qədər 28034 (25663 nəfər Azərbaycan, 2371 nəfər rus bölməsi), II qrup üzrə 12516 (11265 nəfər Azərbaycan, 1251 nəfər rus bölməsi), III qrup üzrə 20948 (19456 nəfər Azərbaycan, 1492 nəfər rus bölməsi), IV qrup üzrə 4810 (3975 nəfər Azərbaycan, 590 nəfər rus bölməsi) nəfər ali məktəblərə sənəd verib.

V qrup üzrə qeydiyyatdan keçənlərin sayı ümumilikdə 50516 nəfərdir, onlardan 47218 nəfəri Azərbaycan, 3398-i isə rus bölməsidir.

Qeyd edək ki, ali təhsil müəssisələrinə əri­zələrin qəbulu mayın 12-də başlayıb. Elektron ərizə qəbulu iyunun 5-i saat 23:59-dək internet vasitəsilə aparılacaq.

Azvision.az

Teqlər: DİM