Zaqatala sakini Həybullah Babayev tullantı və lazımsız daş parçalarını sənət əsərinə çevirir. Gəncin hazırladığı əl işləri görənləri heyrətləndirir. İncəsənətin mozaika və dağlama növü ilə məşğul olan H.Babayev ali təhsil almayıb, bu sahəyə uşaqlıqdan maraq göstərməyə başlayıb.
İstifadəyə yararsız maşın şinləri, zibilliyə atılmış mişar daşlarına ikinci həyat verən Zaqatala sakini düzəltdiyi əşyaları öz həyətində sərgiləyir.
Onun dediyinə görə, ilk baxışdan sadə görünsə də, bu iş çətin olduğu qədər səbr tələb edir.