Azvision.az Dövlət Vergi Xidmətinə istinadən xəbər verir ki, vergi üzrə ekspert Ramin Ramazanov bu məsələyə bir daha aydınlıq gətirib.

Ekspert bildirib ki, qeyri-rezidentin Azərbaycan Respublikası ərazisində göstərdiyi xidmətə görə əldə etdiyi gəlirlərdən vergi Vergi Məcəlləsinin 125-ci maddəsinə əsasən tutulduğu halda, həmin xidmətlərə görə ƏDV 169-cu maddəyə əsasən hesablanıb büdcəyə ödənilməlidir: "Tutaq ki, Azərbaycanda daimi nümayəndəliyi olmayan "B" qeyri-rezident şirkəti ƏDV ödəyicisi olan rezident "A" şirkətinə xidmət göstərib. Müqavilə üzrə göstərilmiş xidmətin dəyəri 1000 ABŞ dollarıdır. Qeyri-rezidentə ödəniş zamanı, ilk növbədə, müqavilənin şərtlərinə baxmaq lazımdır. Burada iki variant mümkündür. Şərtlərə əsasən, 1000 dolların net, yoxsa gross məbləğ olması müəyyənləşdirilməlidir".

Məsələn, müqavilənin şərtlərinə əsasən, qeyri-rezidentə ödəniləcək məbləğdən ödəmə mənbəyində tutulan vergi tutulduqdan sonra qalan hissə həmin şəxsə ödənilməlidir. Bu halda, verginin tutulması aşağıdakı kimi olacaq:

1000*10% ÖMV= 100 USD

1000*18% ƏDV= 180 USD

Azvision.az