İran Suriya münaqişəsinin həlli ilə bağlı 4 təklif irəli sürdü

İran Suriya münaqişəsinin həlli ilə bağlı 4 təklif irəli sürdü
  20 Yanvar 2014    Oxunub:1002
İran hökuməti Suriya münaqişəsinin həlli ilə bağlı 4 təklif irəli sürüb.
İran hökumətinin Suriya münaqişəsinin həlli ilə bağlı 4 mərhələli təklifi var.İran Suriyada atəşkəsin elan olunması, seçkilərin keçirilməsi, dialoq və radikal qruplara qarşı mübarizəni təklif edir. AzVision.az İRNA-ya istinadən xəbər verir ki,bu barədə yanvarın 18-də Seneqalın xarici işlər naziri ilə görüşündən sonra keçirilən brifinqdə İran xarici işlər naziri Cavad Zərif məlumat verib.

İran XİN rəhbəri bildirib ki, Suriyada ilk növbədə toqquşmalara son verilməli, münaqişə edən tərəflərin seçkilər və dialoq vasitəsi ilə problemləri müzakirə etməli, bundan başqa təkfirçi və radikal qruplarla mübarizə aparılması İranın əsas önəm verdiyi məqamlardır. C.Zərif bildirib ki, bu planın detalları tərəflər və vasitəçilər arasında müzakirə olunmalıdır.

İranın xarici işlər naziri həmçinin İranla 5+1 qrupu arasındakı nüvə anlaşmasına da toxunub. C.Zərif bildirib ki, müştərək fəaliyyət proqramı müəyyən mətnə malikdir və onun mətni hər kəsə açıqlanacaq. Nazir bildirib ki, Cenevrə anlaşmasının icrası ilə bağlı sonradan əldə olunan anlaşmalar şifahi söhbətlərdi və buna görə də yayımlana bilməz. Amma onun mətni İslam Respublikasının məsul şəxslərinə təqdim olunub.


Teqlər:





Xəbər lenti


Azvision.az ©2014 | Bütün hüquqları qorunur