“Bundan sonra heç bir seriala çəkilməyəcəm” - Ramiz Novruz

  29 İyul 2020    Oxunub : 17683
 “Bundan sonra heç bir seriala çəkilməyəcəm” -  Ramiz Novruz
"Karantin günlərində kompüterdə yazmağı öyrənmişəm".
Bunu Azvision.az -a Xalq artisti Ramiz Novruz deyib. Aktyor bildirib ki, karantin günlərini ailəsi ilə birgə Salyanın Qarabağlı kəndində keçirir.

"Karantin günlərini ailəmlə birlikdə Salyanda keçirirəm. Daha çox kənarda oluruq, şəhərə gəlməmişik. Buranın maraqlı havası var. Düşündüyümüz kimi isti deyil, sərindir. Bağlı-baharlı kənddir.

Beynimə gələn fikirləri həyətdə oturub yazıya çevirirəm. Kompüterdə yazmağı öyrənmişəm. Buna görə də 99 faiz telefon zənglərinə cavab vermirəm. Həyətdə oturub işləyəndə telefon yuxarıda olur. Televiziyadan zəng edirlər, ancaq gedə bilmirəm. Çünki rayondan Bakıya gəlmək mümkün deyil".

Aktyor serial çəkilişlərindən yorulduğunu söyləyib.

"Təzə tamaşamız var idi. Premyerasına 3-4 gün qalmışdı ki, teatr bağlandı. Teatra qayıdandan sonra hər şeyi yarıdan başlayacağıq. Serial çəkilişlərimiz də qaldı. Kameradan usanan kimi olmuşam. Qarşıma məqsəd qoymuşam ki, daha heç bir seriala çəkilməyim. Pandemiya seraillardan məni soyutdu. Ancaq tamaşanı həsrətlə gözləyirik. Alqış üçün darıxmışıq".

Şahanə Rəhimli
Azvision.az

Teqlər: RamizNovruzov   Xalqartisti