Bu ilin mayında Danimarkanın Kopenhagen şəhərində keçiriləcək “Eurovision-2014” mahnı müsabiqəsi “Green Room” konsert zalında yerləşəcək.

İlk dəfə “Green Room”un tamaşaçıların əyləşdiyi zalda qurulması Azərbaycanda “Eurovision-2013” yarışması zamanı “Baku Crystal Hall”da reallaşmışdı. Şounu hər bir detalınadək ekrana gətirmək üçün arenada xüsusi sistem vasitəsilə 25 HD kamera quraşdırılmışdı.

AzVision.az “Eurovision” mahnı müsabiqəsinin rəsmi saytına istinadla xəbər verir ki, Kopenhagendə “B&W Hallerne” arenasında belə bir yerləşmə auditoriyanı və televiziya tamaşaçılarını eyni vaxtda “Green Room”a yaxın edəcək.

Milyonlarla Avropa tamaşaçısına yayımlanan şou zamanı “Green Room” oturacaqları insanlara “dənizdə bir ada kimi” görünəcək.

Qeyd edək ki, “Bizə qoşulun!” şüarı altında keçiriləcək “Eurovision-2014” mahnı müsabiqəsinin birinci və ikinci yarımfinalları müvafiq olaraq mayın 6-sı və 8-də, final mərhələsi isə mayın 10-da olacaq.