Məşhur erməni bloger Gəncənin vurulmasına görə Paşinyanı ittiham etdi

Məşhur erməni bloger Gəncənin vurulmasına görə Paşinyanı ittiham etdi
  05 Oktyabr 2020    Oxunub:17053
Məşhur erməni bloger Tiqran Köçəryan Ermənistanın baş naziri Nikol Paşinyanı Gəncəni vurmaq əmrini verməkdə ittiham edib.

Azvision.az xəbər verir ki, bloger özünün səhifəsində yerləşdirdiyi çağırışda Nikol Paşinyanı kəskin təngid edərək, onu faktiki olaraq Ermənistanın Dağlıq Qarabağ savaşında uduzmasında ittiham edib.
O, Rusiyanın artıq Ermənistanı dəstəkləmədiyini bildirərək, Paşinyan hökumətinin Stepanakertdə (Xankəndi şəhəri -red) rus hərbiçilərinin olması barədə yalan şayiələr yaydığını vurğulayıb.

Tiqran Köçəryan öz mənbələri vasitəsilə şayiələrin yalan olduğunu təsdiqləyib. Bloger həmçinin Dağlıq Qarabağın cənub cəbhəsində (Füzuli-Cəbrayl istiqaməti nəzərdə tutulur-red) ermənilərin tam iflasa uğraması, yararıları daşımaq üçün maşınların olmaması səbəbindən, bir çoxunun ölməsi, cəbhənin şimal tərəfində (Ağdərə istiqaməti nəzərdə tutulur-red) isə döyüşlərə cəlb olunmuş muzdluların Azərbaycanın artilleriya həmləsinə tab gətirməyərək qaçması barədə yazıb.

Ən maraqlısı isə, Tiqran Köçəryan Nikol Paşinyanın Gəncəni vurmaq əmrini verməkdə ittiham etməsidir. Tiqran Köçəryan anlayır ki, bunun nəticəsində Ermənistanın şəhərlərini işğal olunmuş Xankəndinin gündəlik bombalanması kimi aqibət gözləyə bilər.




Azvision.az


Teqlər: Erməni-bloger  



Xəbər lenti


Azvision.az ©2014 | Bütün hüquqları qorunur