Ermənistanın törətdiyi qırğınların, yaşanan faciələrin, üçüncü tərəflərin davranışının əsla unudulmayacağını ifadə edən Akar, Türkiyə və Azərbaycanın kədərdə də, sevincli günlərdə də bir olduğunu vurğulayıb.

Türkiyə və Azərbaycanın "Ölsək şəhid, qalsaq qazi” düşüncəsi ilə birliyini davam etdirəcəyini söyləyən nazir əlavə edib:

“Bu birliyimiz sonsuza qədər davam edəcək. İnşallah bu da bizim ölkələrimizin, nəcib Türk millətinin xeyrinə olacaq və gələcəklərinin təminatına çevriləcək. 102 il əvvəl Nuri Paşa ilə birlikdə Azərbaycan türkləri işğalçılara qarşı mübarizədə çiyin-çiyinə mübarizə aparıb qalib gəldi, eyni ruh bu gün də var.

Yenə də çiyin-çiyinə verərək hər cür mübarizəyə, hər cür risk və təhdidi gözə alan millətik. Buna görə hər kəs bu mövzuda ağlını başına toplamalıdır.

O günün Qafqaz ordusu, bugünkü Azərbaycan Ordusu xalqın təhlükəsizliyi, bütün texnologiyaları istifadə edərək və bütün imkanları səfərbər edərək millətin rifahı və sağ qalması üçün hər cür səy göstərdi və bundan sonra da edəcəkdir”.

Pərvanə Sultanova
Azvision.az