Misir Rusiyadan 3 milyard dəyərində silah alacaq

Misir Rusiyadan 3 milyard dəyərində silah alacaq
  14 Fevral 2014    Oxunub:1266
Razılıq Misirin faktiki rəhbəri Əbdül Fəttah əs-Sisinin Moskvaya səfərində imzalanıb.
AzVision.az xarici KİV-lərə istinadən xəbər verir ki, rəsmi Qahirə Rusiyadan qırıcı təyyarələr, Hava Hücumundan Müdafiə Sistemləri, 35 Mi-35 döyüş vertalyotları, gəmiəleyhinə sahilyanı komplekslər, müxtəlif döyüş sursatları və yüngül silahlar əldə edəcək.

Danışıqlarda o cümlədən dəyəri 1,3 milyard dollar olan 24 MiQ-29 qırıcıları və “Buk-M2”, Tor M2” zenit-raket komplekslərinin Misirə satılması müzakirə olunub.
Misir mətbuatının məlumatına görə, silahların daşınmasına üçün lazım olan maliyyə vəsaitini Səudiyyə Ərəbistanı və Birləşmiş Ərəb Əmirlikləri həyata keçirəcək. Müqaviləyə uyğun olaraq ilk silahlar 2014-cü ilin iyuluna qədər təhvil veriləcək.

Xatırladaq ki, Misirin faktiki rəhbəri olan Əbdül-Fəttah əs-Sisi Xarici İşlər naziri Nabil Fəhminin müşayəti ilə Moskvada rəsmi səfərdədir. Rəsmi Qahirə Moskvanı hərbi müttəfiqi kimi ABŞ-ın yerində görmək istəyir. Rusiyadan alınacaq silahlar ölkənin Hava Hücumundan Müdafiə Sistemini gücləndirmək və xarici hücumlardan qorunmaq qabiliyyətini artıracaq.

Vüqar İsmayılov


Teqlər:





Xəbər lenti