"Azərbaycanı hər zaman ADSW-də görmək istəyirik" - BƏƏ səfirliyi

  21 Yanvar 2021    Oxunub : 1328
"Azərbaycanı hər zaman ADSW-də görmək istəyirik" -  BƏƏ səfirliyi
Abu Dabi Davamlılıq Həftəsi (ADSW) dünyanın davamlı inkişafını sürətləndirmək üçün qlobal platformadır. Həftə siyasətçiləri, sənaye mütəxəssislərini, texnologiya qabaqcıllarını və davamlılıq liderlərinin yeni nəslini unikal olaraq bir araya gətirir.
Azvision.az xəbər verir ki, bu barədə Birləşmiş Ərəb Əmirliklərinin (BƏƏ) Azərbaycandakı səfirliyinin qeyd edilən tədbirlə bağlı açıqlamasında deyilir.

Qeyd edilir ki, ADSW təşəbbüsləri və tədbirləri sayəsində o, bilik mübadiləsi, strategiyaların həyata keçirilməsi və insan tərəqqisini idarə etməkdə həll yolları üçün bir katalizatordur. ADSW, dünyanın davamlı inkişafını formalaşdıran əsas sosial, iqtisadi və ekoloji trendlər haqqında anlayışımızı inkişaf etdirməyə sadiqdir.

"ADSW iştirakçıları əməkdaşlıq etmək və hərəkətə keçmək üçün bir sıra həyəcanverici sammitlər, forumlar və sərgilər çərçivəsində bir araya gəlirlər. Bu baxımdan, Azərbaycanın iqtisadi sahələrdə geniş təcrübəsi və böyük perspektivləri olduğundan, ADSW-də iştirakın ölkələrimiz üçün qarşılıqlı üstünlük gətirəcəyinə inanırıq", – açıqlamda deyilir.

Bu il ADSW aşağıdakı sektorlara yönəlib:

Enerji sənayesi, iqlim dəyişikliyi, su və qida, texnologiya/Biotexnologiya/Rəqəmsal texnologiya, kainat.

"ADSW vasitəsilə dünyamızı daha yaxşı bir yerə çevirmək məqsədilə, yeni fikirləri toplamaq və bu fikirlərin gerçəkləşməsi üçün bir-birimizə dəstək olmaq üçün bu unikal platformaya güvənirik".

Pərvanə Sultanova
Azvision.az

Teqlər: ADSW   BƏƏ   Səfirlik