Koronavirusa yoluxanların sayı 100 milyona yaxınlaşır
Azvision.az Worldometers saytına istinadən xəbər verir ki, dünyada virusa yoluxma sayı 99 milyon 329 min 124 nəfərə çatıb. Pandemiya qurbanlarının sayı 2 milyon 130 min 420 nəfərdir.
Son günlər dünya ölkələri üzrə koronavirusa yoluxma halları kəskin artmaqdadır.
Ümumdünya Səhiyyə Təşkilatının gündəlik hesabatına əsasən, ötən sutka ərzində 600 790 nəfər koronavirusa yoluxub, 15 846 nəfər isə dünyasını dəyişib.
Xatırladaq ki, koronavirus 2019-cu ilin dekabrında Çinin Uhan şəhərində yayılmağa başlayıb. COVID-19 virusu 218 ölkədə qeydə alınıb.
Azvision.az
Teqlər: Koronavirus Pandemiya