Sülhməramlılar Kəlbəcərə humanitar yükün çatdırılmasını təmin edib

  08 Fevral 2021    Oxunub : 2004
Sülhməramlılar Kəlbəcərə humanitar yükün çatdırılmasını təmin edib
Rusiya sülhməramlı kontingenti Azərbaycanın işğaldan azad olunmuş əraziləri arasında humanitar yüklərin tranzitini təmin etməyə davam edir.

Azvision.az xəbər verir ki, bu barədə Rusiya Müdafiə Nazirliyi məlumat yayıb.
Qeyd edilib ki, sosial obyektlərin, yaşayış evlərinin enerji və su təminatı sistemlərinin bərpası üçün Humanitar Yardım Mərkəzinin "KamAZ" markalı 20 hərbi avtomobili və onları müşayiət edən 5 avtomobildən ibarət ikinci kolonnası Kəlbəcər rayonuna 150 tondan çox tikinti materialı çatdırıb. Kolonnanın marşrutu Suqovuşan və Vəng yaşayış məntəqələrindən keçib.

Yükün çatdırılması Azərbaycan, Rusiya və Ermənistan arasında noyabrın 10-da imzalanmış üçtərəfli bəyanata əsasən həyata keçirilib.

Pərvanə Sultanova
Azvision.az

Teqlər: Kəlbəcər