Lavrov və Ayvazyan Qarabağı müzakirə edib

 Lavrov və Ayvazyan Qarabağı müzakirə edib
  18 Fevral 2021    Oxunub:1410
Rusiya və Ermənistanın xarici işlər nazirləri Sergey Lavrovla Ara Ayvazyan regional təhlükəsizlik və sabitlik məsələlərini müzakirə ediblər. Bu çərçivədə 10 noyabr və 11 yanvar tarixli üçtərəfli razılaşmaların həyata keçirilməsi barədə fikir mübadiləsi aparılıb.
Azvision.az xəbər verir ki, bu barədə Ermənistan Xarici İşlər Nazirliyinin mətbuat xidməti məlumat yayıb.

Ayvazyan, humanitar problemlərin həlli kontekstində hərbi əsirlərin geri qaytarılmasının vacibliyini vurğulayıb. Erməni nazir, Rusiyanın Dağlıq Qarabağdakı humanitar vəziyyətin yaxşılaşdırılmasına yönəlmiş səylərini yüksək qiymətləndirib.

Tərəflər eyni zamanda, ATƏT-in Minsk qrupunun həmsədrliyi çərçivəsində aktual məsələlərin həll olunmasının vacibliyini vurğulayıblar.

Pərvanə Sultanova
Azvision.az


Teqlər: DağlıqQarabağ  





Xəbər lenti