Ermənilərin topla dağıtdığı Gəncə qapısı təmir edilir

  22 Fevral 2021    Oxunub : 2100
 Ermənilərin topla dağıtdığı Gəncə qapısı təmir edilir
“Şuşa qalasının üç əsas qapısından biri olan Gəncə qapısı təmir olunur”.

Bu barədə Azvision.az -a Şuşa Dövlət Tarix-Memarlıq Qoruğu İdarəsinin ilk direktoru Tofiq Süleymanov məlumat verib. Onun sözlərinə görə, Gəncə qapısı erməni vandalizminə məruz qalıb.
“Şuşa döyüşləri zamanı bizim hərbçilər şəhərə daxil olanda ermənilər topla vurub Gəncə qapısını bir neçə yerdən dağıtmışdılar. Qapının qala divarı hissələrinin bərpa olunmasına ehtiyac var idi. Hazırda qapının təmiri ilə bağlı operativ işlər gedir”.

Qeyd edək ki, Pənahəli xanın hakimiyyəti dövründə inşa edilmiş qapı XVIII əsrdən etibarən Gəncə qapısı və ya Çiləbörd qapısı adlandırılırdı. Şuşa qalasının bu qapıdan çıxan yolu şəhəri Gəncə və Qarabağ xanlığının Çiləbörd mahalı ilə birləşdirirdi. Qalanın digər iki qapısı isə İrəvan və Ağoğlan qapılarıdır.



Şahanə Rəhimli
Azvision.az

Teqlər: Şuşa   Gəncəqapısı