Fikrət Sadıxov: “Bu, mənə verilən böyük dəyərdir”

  27 Fevral 2021    Oxunub : 1901
  Fikrət Sadıxov:  “Bu, mənə verilən böyük dəyərdir”
"Prezidentin sərəncamı mənim üçün gözlənilməz oldu. Dövlət başçısına dərin minnətdarlığımı bildirirəm. Prezident mənim ictimai-siyasi həyatda rolumu yüksək qiymətləndirdi. Bu, mənə verilən böyük dəyərdir"
Bunu Azvision.az -a açıqlamasında politoloq Fikrət Sadıxov deyib.

O bildirib ki, uzun illər ərzində həm diplomatik, həm də ictimai-siyasi həyatda fəal iştirak edib: “Bundan sonra da öz vətəndaş borcumu yerinə yetirməyə hazıram. Prezidentin fərdi təqaüdünün verilməsi məni ruhlandıran amildir və daha fəal olmağıma təkan verəcək".

Qeyd edək ki, bu gün Prezident İlham Əliyev Fikrət Yaqub oğlu Sadıxova Azərbaycan Respublikası Prezidentinin fərdi təqaüdünün verilməsi ilə bağlı sərəncam imzalayıb.

Aytən Zəhra
Azvision.az

Teqlər: Fikrət-Sadıqov   Prezident   Təqaüd