Rusiya ABŞ-ı Suriya ərazilərinin işğalında günahlandırdı

  01 Mart 2021    Oxunub : 1037
Rusiya ABŞ-ı Suriya ərazilərinin işğalında günahlandırdı
ABŞ Suriyaya zərbələr endirməyə və ölkənin ərazisini işğal etməyə davam edir.
Azvision.az xəbər verir ki, bu barədə Rusiya Milli Müdafiə İdarəetmə Mərkəzinin rəhbəri Mixail Mizintsev və Suriyanın bələdiyyə idarəetmə və ətraf mühit naziri Hüseyn Maxlyufun ortaq açıqlamasında deyilir.

"ABŞ suveren Suriya dövlətinin ərazisinə hava zərbələri endirir və ərazilərini qanunsuz olaraq işğal etməyə davam edir. Eyni zamanda, ölkənin nəzarəti altındakı bölgələrində təhlükəsiz və ləyaqətli dinc həyatı bərpa etmək üçün bir işarə belə yoxdur”, - deyə açıqlamada vurğulanıb.

Tərəflər bəyan ediblər ki, ABŞ koronavirusla mübarizə şəraitində uzun müddət əziyyət çəkən Suriya xalqına qarşı qeyri-insani sanksiya siyasətini davam etdirir.

Pərvanə Sultanova
Azvision.az

Teqlər: Suriya