“Peyvənd olunmaq üçün gələnlərin sayı çoxdur” - Baş həkim

  01 Mart 2021    Oxunub : 1147
 “Peyvənd olunmaq üçün gələnlərin sayı çoxdur” -  Baş həkim
Bu günə qədər bizim poliklinikada 1000-dən çox şəxsə vaksin vurulub.
Bunu Azvision.az -a 2 nömrəli şəhər poliklinikasının baş həkimi Sevda Aslanova deyib. Onun sözlərinə görə, vaksin vurulan şəxslərin vəziyyəti tam normaldır.

“Bu gün səhər saat 9-dan da çox adam gəlib və növbə ilə vaksinasiya olunurlar. Poliklinikamızda tibb işçilərinə II doz vaksinin vurulması demək olar ki, başa çatmaq üzrədir. 65 yaşdan yuxarı və 50 yaşdan yuxarı şəxslərin vaksinasiyası davam edir. Gün ərzində 60-80 nəfər vaksin olunur. Vaksin vurulan şəxslər arasında əks reaksiya müşahidə edilənlər yoxdur. Vaksin üçün gələn şəxslərin hər biri yoxlanılır, həkim müayinəsindən keçir, sonra peyvənd olunurlar”.

Aytən Zəhra
Azvision.az

Teqlər: Vaksin